Aðalfundur SÍK mun fara fram þriðjudaginn 24. júní kl. 16.00 í Húsi atvinnulífsins, Borgartúni 35. 

Dagskrá aðalfundar verður samkvæmt lögum SÍK. Athygli er vakin á að gerðar eru tillögur til breytinga á lögum félagsins. Lagabreytingatillögur má finna á innri vef SÍK undir fundargögn aðalfundar, ásamt öðrum gögnum sem lögð verða fyrir fundinn.  
Auglýst er eftir framboðum til þriggja meðstjórnenda. Framboð berist á This email address is being protected from spambots. You need JavaScript enabled to view it. eigi síðar en tveimur dögum fyrir aðalfund.

Dagskrá aðalfundar:

1. Fundarsetning.
2. Skýrsla stjórnar.
3. Gagnsæisskýrsla sbr. gr. 4.4. laga SÍK.
4. Framlagning endurskoðaðra reikninga.
5. Lagabreytingar. 
6. Laun stjórnar.
7. Stjórnarkjör.
8. Kjör endurskoðenda.
9. Félagsgjöld ákvörðuð.
10. Önnur mál.

Skráning á aðalfundinnn er að finna hér

SÍK – Samband íslenskra kvikmyndaframleiðenda – auglýsir eftir umsóknum um greiðslur úr IHM sjóði SÍK.

Rétt til umsókna úr sjóðnum eiga allir sjálfstæðir kvikmyndaframleiðendur sem framleitt hafa kvikmyndaverk sem sýnd hafa verið í sjónvarpi og á íslenskum streymisveitum á árinu 2024. Aðeins rétt út fylltar umsóknir verða afgreiddar. Vinsamlegast sendið umsóknir á:

SÍK – Samband íslenskra kvikmyndaframleiðenda
Borgartúni 35
105 Reykjavík

eða með tölvupósti á This email address is being protected from spambots. You need JavaScript enabled to view it.

Engar aðrar leiðir umsókna verða teknar gildar

Umsóknarfrestur fyrir greiðslur úr IHM sjóði SÍK vegna 2024 er til 30. júní næstkomandi. 

Ekki er tekið við umsóknum eftir þann tíma.

Greiðslur þessar eru bætur til kvikmyndaframleiðenda fyrir eintakagerð til einkanota á myndum þeirra, þegar þær eru sýndar í sjónvarpi á Íslandi. Reglur um úthlutun eru aðgengilegar hér.

Úhlutunarreglur IHM 2024

Umsóknareyðublað er hér:

Umsóknareyðublað er að finna undir hnappinum Umsóknareyðublað, hér til hægri  

Vinsamlegast athugið að það er mikilvægt að fylla umsóknareyðublaðið í samræmi við leiðbeiningar á fyrsta flipa og öðrum þeim upplýsingum sem beðið er um, til að tefja ekki fyrir úrvinnslu gagna. Vinsamlegast setjið lengd verka sem mínútur, ekki tímakóða format.

Til úthlutunar fyrir árið 2024 eru samtals 27.270.000 kr. Þar sem ágreiningur er milli aðila um svokallaðar kapaltekjur hefur þeim ekki verið úthlutað til aðildarfélaga IHM, en umsóknir fyrir þetta ár verða grundvöllur úthlutunar þeirra tekna fyrir árið 2024, þegar þær berast.

Skjáauglýsingar hafa verið birtar á RÚV auk auglýsingar á Klapptré og Facebook síðu SÍK.

Stockfish kvikmynda- og bransahátíðin verður haldin dagana 3.-13. apríl. Heiðursgestur hátíðarinnar að þessu sinni er Floria Sigismondi, ítalsk-kanadísk kvikmyndaleikstýra og myndlistarkona. Floria er vel þekkt fyrir einstakan stíl og hefur leikstýrt kvikmyndum á borð við The Runaways og The Turning. Að auki hefur hún gert mörg eftirminnileg tónlistarmyndbönd fyrir listamenn á borð við David Bowie, Rihanna og Björk.

Í ár verður ókeypis aðgangur inn á hátíðina. Gestum verður þó gefinn möguleiki á að greiða eftir tökum ef áhugi er á að styrkja hátíðina en miðaskráning fer fram á www.tix.is.  Þar þar sem hægt er að velja miða frá 0 kr. og upp í þá upphæð sem gestir hafa tök og vilja til að borga.

Opnunarmynd hátíðarinnar, og jafnframt Íslandsfrumsýning, er Verðurskeytin sem er leikin heimildarmynd í leikstjórn Bergs Bernburg en dagskrá hátíðarinnar má nálgast á vef Stockfich

Dagskrá Bransadaga hátíðarinnar hefur einnig verið kynnt en búast og má við enn fleiri viðburðum í dagsrkánna samkvæmt skipuleggjendum 

Hátíðin verður að mestu haldin í Bíó Paradís í samstarfi við helstu fagfélög kvikmyndaiðnaðarins á Ísland.

„Vöxturinn í kvikmyndagerð á Íslandi hefur verið svakalegur. Þessar tölur sýna okkur hvað kvikmyndagerðin er raunverulega orðin stór,“ segir Hilmar Sigurðsson, kvikmyndaframleiðandi og stjórnarmaður í Sambandi íslenskra kvikmyndaframleiðenda (SÍK), í Morgunblaðinu. 

Í Morgunblaðinu kemur fram að SÍK hafi látið ráðgjafarfyrirtækið Reykjavík Economics gera úttekt á skattaáhrifum starfsgreinarinnar á Íslandi. Í skýrslu fyrirtækisins komi fram að árið 2023 greiddi íslensk kvikmyndagerð mun meira í beina skatta en hún þáði í fjárfestingu og styrki frá hinu opinbera. Þá segir að sem kunnugt sé hafi verið skiptar skoðanir á endurgreiðslum vegna kvikmyndagerðar hér á landi sem og framlögum í Kvikmyndasjóð.

Í skýrslunni segi að skattalegt framlag kvikmyndagreinarinnar hafi árið 2023 verið 7,4 milljarðar króna með virðisaukaskatti en styrkir til kvikmyndagerðar og kvikmyndanáms það ár hafi numið samtals 4,7 milljörðum. Greinin hafi með með öðrum orðum greitt 1,6 sinnum meira í beina skatta en hún þáði í fjárfestingu og styrki frá hinu opinbera. „Við skulum segja að þessi niðurstaða hafi komið mörgum á óvart. Þetta er hins vegar mjög jákvætt, við erum ánægð að fá þarna formlega staðfestingu á því sem við höfum haldið fram. Það að við greiðum 1,6 sinnum meira í beina skatta en kemur frá ríkinu í fjárfestingu og styrkjum er mjög merkilegt og þá er ekki einu sinni farið að ræða ruðningsáhrif eða önnur áhrif, til dæmis á ferðaþjónustu.“

Hægt er að nálgast skýrsluna hér

Skjaldborg - hátíð íslenskra heimildamynda fer fram um hvítasunnuhelgina

Skjaldborg, hátíð íslenskra heimildamynda, fer fram á Patreksfirði dagana 6.-9. júní 2025. Opnað hefur verið fyrir umsóknir um frumsýningarverk og verk í vinnslu til kynningar á hátíðinni. Fyrri umsóknarfrestur er til 3. mars 2025 og seinni frestur rennur út 24. mars 2025. Umsóknarform er aðgengilegt á vef hátíðarinnar: skjaldborg.is

Hátíðin vekur athygli á því að umsóknir geta innihaldið hlekki á myndir sem eru í eftirvinnslu, þar sem nýjasta útgáfa verksins fylgir með, auk lýsingar á stigi verksins og áætlunar um verklok.

Stuðningur við íslenska heimildamyndagerð

Skjaldborg frumsýnir íslenskar heimildamyndir og leggur áherslu á að styðja við þann vettvang. Hægt er að sækja um í tveimur flokkum:

• Frumsýning á heimildamynd
• Verk í vinnslu

Verðlaun Skjaldborgar

Heimildamyndir sem frumsýndar eru á hátíðinni keppa um þrjú verðlaun:

• Einarinn – áhorfendaverðlaun.
• Ljóskastarinn – verðlaun dómnefndar fyrir myndir 40 mínútur og lengri.
• Skjöldurinn – verðlaun dómnefndar fyrir myndir 39 mínútur og styttri.

Skilyrði fyrir frumsýningu 2025

Til að verk sé gjaldgengt til frumsýningar á Skjaldborg 2025, þarf það að uppfylla eftirfarandi  tvö skilyrði:

1. Myndin þrarf að uppfylla eitt af eftirfarandi skilyrðum:

• Vera íslensk framleiðsla (þar sem framleiðslufyrirtæki og framleiðandi teljast aðalframleiðendur).
• Leikstjóri er íslenskur eða með lögheimili á Íslandi.
• Verkið er á íslensku eða hefur íslenska menningarlega eða samfélagslega skírskotun.

2. Myndin má ekki hafa verið sýnd opinberlega á Íslandi fyrir lok Skjaldborgar 2025. Opinberar sýningar eru t.d. sýningar í kvikmyndahúsum, á kvikmyndahátíðum, í sjónvarpi eða á opnum vefmiðlum. Lokaðar sýningar fyrir aðstandendur og sýningar á vegum kvikmyndaskóla teljast ekki til opinberra sýninga. Heimildamyndir sem hafa verið sýndar erlendis eru þó gjaldgengar.

Umsóknir um erlendar heimildamyndir

Hægt er að sækja um þátttöku fyrir erlendar heimildamyndir með íslenskum meðframleiðendum. Stjórn Skjaldborgar mun fara sérstaklega yfir þær umsóknir og meta gjaldgengi.

Ítarlegri upplýsingar má finna á heimasíðu Skjaldborgar

Gervigreind í kvikmyndaiðnaði er yfirskrift opins fundar Sambands íslenskra kvikmyndaframleiðenda sem fer fram fimmtudaginn 13. febrúar kl. 11.30-13.00 í Húsi atvinnulífsins, Borgartúni 35, í fundarsalnum Hyl. Boðið verður upp á léttan hádegisverð.

Dagskrá

•          Höfundaréttur og gervigreind - Tómas Þorvaldsson, lögmaður
•          How To Control Creative AI? - Maciej Żemojcin, sérfræðingur í framleiðslu gervigreindar- og sýndarveruleikakvikmynda
•          Hjálpartæki kvikmyndagerðar - Gaukur Úlfarsson, kvikmyndagerðamaður og leikstjóri
•          Textun á tímum gervigreindar - Haukur Guðjónsson, framkvæmdastjóri Sundra hugbúnaðarlausna
•          Fundarstjórn -  Sigríður Mogensen, sviðsstjóri iðnaðar- og hugverkasviðs SI

Skráning er að finna hér