Aðalfundur SÍK var haldinn þann 22. júlí sl. Góð mæting var á fundinn en 20 aðildafyrirtæki sóttu fundinn.

Á fundinum fór Anton Máni Svansson, formaður SÍK, yfir stöðu kvikmyndaiðnaðar á Íslandi ásamt því að fara yfir störf stjórnar á liðnu ári. Þar ber helst að nefna fjármögnun og framtíð fyrirkomulags við úthlutun Kvikmyndasjóðs og fyrirhugaðar breytingar vegna áforma um uppsetningu á sjónvarpssjóði, áhrif innleiðingar á DSM tilskipuninni sem kveður á um sanngjarna og hlutfallslega þóknun til listflytjenda, ný vefsíða sambandsins hefur verið tekin í notkun, gjaldtaka á erlendar streymisveitur og samráð við Kvikmyndamiðstöð Íslands.

Hilmar Sigurðsson, gjaldkeri SÍK, kynnti gagnsæisskýrslu félagsins vegna ársins 2022 og greindi frá úthlutun IHM rétthafagreiðslna vegna ársins 2020 og núverandi úthlutun fyrir árið 2021. Þá lagði Hilmar fram endurskoðaða ársreikninga félagsins til samþykktar.

Í fyrsta sinn um langt skeið fór fram stjórnarkjör en mikill áhugi var fyrir stjórnarsetu og í framboði voru fleiri frambjóðendur en laus stjórnarsæti. Svo fór að í kosningu voru Agnes Johansen, RVK Studios, og Hanna Björk Valsdóttir, Akkeri Films, kosnar í sæti meðstjórnenda til tveggja ára og Heather Millard, Compass Films, var kosin í sæti varamanns til tveggja ára.

Anton Máni Svansson, formaður, klárar síðara ár af tveimur og Inga Lind Karlsdóttir og Hilmar Sigurðsson, klára síðara ár af tveimur sem meðstjórnendur. Kristinn Þórðarson, klárar síðara ár af tveimur sem varamaður.

Ánægjulegt er að á þessu ári hafa 8 ný aðildarfyrirtæki sótt um aðild að félaginu, þau eru: Fenrir Films, GunHil, Akkeri Films, Compass Films, NRDR, Go to Sheep, RVK Studios og Mystery Ísland. Þannig er mikill áhugi og gróska í starfsemi félagsins sem og í greininni í heild sinni.

Að loknum hefðbundnum aðalfundarstörfum hélt Gísli Snær Erlingsson, forstöðumaður Kvikmyndamiðstöðvar, erindi um stefnu og framtíðarsýn Kvikmyndamiðstöðvar. Undir lok fundar var boðið upp á spurningar og sköpuðust áhugaverðar umræður um umsóknarferli framleiðenda hjá Kvikmyndamiðstöð og samráðsferli vegna nýrrar reglugerðar um Kvikmyndasjóð.

  Aðalfundur SÍK mun fara fram fimmtudaginn 22. júní kl. 16:00 á 1. hæð, fundarsalur: Hylur, í Húsi atvinnulífsins í Borgartúni 35. Léttar veitingar verða í boði. 

Dagskrá verður samkvæmt lögum SÍK. Auglýst er eftir framboði til tveggja meðstjórnenda og eins varamanns til tveggja ára. Framboð berist á This email address is being protected from spambots. You need JavaScript enabled to view it..

Dagskrá aðalfundar:

1.    Fundarsetning.

2.    Skýrsla stjórnar.

3.    Gagnsæisskýrsla sbr. gr. 4.4. laga SÍK.

4.    Almenn stefna um úthlutun réttindagreiðslna til rétthafa.

5.    Almenn stefna um frádrátt frá réttindatekjum og arðs af fjárfestingu.

6.    Almenn fjárfestingastefna.

7.    Notkun óráðstafanlegra fjárhæða.

8.    Framlagning endurskoðaðra reikninga.

9.    Lagabreytingar.

10. Laun stjórnar.

11. Stjórnarkjör.

12. Kjör endurskoðenda.

13. Aðildarsamningur SÍK við Samtök iðnaðarins

14. Félagsgjöld ákvörðuð.

15. Önnur mál, löglega upp borin.

Kl. 17:00 Að loknum hefðbundnum aðalfundarstörfum mun Gísli Snær Erlingsson, forstöðumaður Kvikmyndamiðstöðvar, fjalla um stefnu og framtíðarsýn Kvikmyndamiðstöðvar.

Vefslóð fyrir skráningu hefur verið send til allra aðildarfélaga. 

SÍK skilaði umsögn um frumvarp til laga um fjölmiðla, nr. 38/2011, (EES-reglur, hljóð- og myndmiðlun) þann 11. maí sl.

Í umsögn sinni leggur SÍK áherslu á knýjandi þörf fyrir setningu lagaheimildar um gjaldtöku á erlendar streymisveitur líkt og tilskipun ESB 2018/180 með síðari breytingu, sem frumvarpið byggir á, heimilar. Fjármála- og efnahagsráðherra og menningar- og viðskiptaráðherra hafa nú þegar tilkynnt um tilnefningu starfshóps er samanstendur af þremur fulltrúum ráðuneyta og stefnt er að framlagningu frumvarps á haustmánuðum þessa árs. SÍK hvetur stjórnvöld til þess að hefja samtal við hagaðila innan greinarinnar vegna málsins og tryggja þannig skilvirkari niðurstöður fyrir framlagningu frumvarps.

Umsögnina í heild sinni má lesa hér, þá verður umsögnin jafnframt að finna í skjalasafni á innri vef SÍK. 

 Sanngjörn og hlutfallsleg þóknun til höfunda og listflytjenda samkvæmt DSM tilskipuninni

SÍK stendur fyrir hádegisfundi fyrir félagsmenn þriðjudaginn 2. maí kl. 12-12:50 í Húsi atvinnulífsins í Borgartúni 35, 1. hæð fundarsalur Hylur.

Tómas Þorvaldsson, lögmaður hjá VÍK Lögmannsstofu, mun reifa mögulegar hugmyndir að útfærslu á "sanngjarnri og hlutfallslegri þóknun" til höfunda og listflytjenda samkvæmt DSM tilskipuninni í samræmi við sjónarmið og aðstöðu framleiðenda á Norðurlöndunum. 

Boðið verður upp á léttan hádegisverð. 

Fundargestir eru vinsamlega beðinir um að skrá sig hér.

 SÍK skilaði umsögn um frumvarp til laga um breytingu á kvikmyndalögum, nr. 137/2001 (framleiðslustyrk til lokafjármögnunar) þann 13. apríl sl.

Í umsögn sinni fagnar SÍK frumvarpinu en það heimilar m.a. nýjan flokk framleiðlsustyrkja til lokafjármögnunar á gerð leikinna sjónvarpsþáttaraða. Undanfarin ár hefur SÍK í málflutningi sínum lagt áherslu á mikilvægi þess að auka við stuðning við framleiðslu sjónvarpsþáttaraða ásamt því að styrkja samkeppnisstöðu sjálfstæðra framleiðenda. SÍK lagði þó áherslu á að mikilvægt væri að nýjum styrkjaflokki fylgi fjárheimildir til þess að nýr styrkjaflokkur gangi ekki á önnur verkefni innan sjóðsins.  

Umsögnina í heild sinni má lesa hér, þá verður umsögnin jafnframt að finna í skjalasafni á innri vef SÍK. 

Skjaldborg verður haldin á Patreksfirði um hvítasunnuhelgina, 26.-29. maí 2023

Umsóknarfrestur er 30. mars fyrir myndir tilbúnar til frumsýningar og verk í vinnslu.

Umsókarform er aðgengilegt í gegnum vef hátíðarinnar www.skjaldborg.is.

Þær íslensku heimildarmyndir sem frumsýndar eru á hátíðinni keppa um verðlaunin Einarinn, áhorfendaverðlaun sem hafa verið veitt frá upphafi og dómnefndarverðlaunin Ljóskastarann. Vegleg verðlaun eru veitt í öllum flokkum frá diggum stuðningsaðilum hátíðarinnar, þar á meðal þjónusta að verðmæti 1 milljón frá Kukl og 500 þúsund frá Trickshot. 

Hægt er að sækja um í tveimur flokkum: frumsýning á heimildarmynd eða verk í vinnslu.

Vakin er athygli á því að hægt er að sækja um með myndir á eftirvinnslustigi með nýjustu útgáfu verksins auk lýsingar á því hvar verkið er statt og áætlun um verklok. 

Gjaldgeng til frumsýninga 2023 eru verk sem uppfylla eftirfarandi skilyrði: 

• Heimildarmyndir sem ekki hafa verið sýndar opinberlega á Íslandi og munu ekki verða sýndar á Íslandi áður en Skjaldborg 2023 er lokið
• Heimildarmyndir sem teljast íslensk framleiðsla
• ATH. Hægt er að sækja um fyrir erlendar myndir sem fjalla um íslensk málefni en þær myndir eru ekki gjaldgengar í keppni.

Nánari upplýsingar má finna á:

www.filmfreeway.com/skjaldborg
www.skjaldborg.is
Facebook - Skjaldborg
Instagram - Skjaldborg